Unë jam Marlina, nutricioniste dhe specialiste ushqimi, e diplomuar në Universitetin Bujqësor të Tiranës në degën Teknologji Agro-Ushqimore. Rruga ime drejt nutricionit nisi më shumë se 10 vite më parë, kur fillova të eksploroja lidhjen mes ushqimit dhe mirëqenies së trupit dhe mendjes. Me kalimin e kohës, kjo u kthye në pasion dhe mision personal: të ndihmoj njerëzit të ushqehen më mirë dhe të ndihen më mirë me veten.

Nga dashuria për ushqimin lindi Marli Smoothie, ku krijoj receta smoothie të pasura me vlera ushqyese, të prodhuara për të rritur energjinë, detoksifikimin dhe funksionimin optimal të trupit. Çdo recetë është menduar me kujdes për të qenë e thjeshtë, e shijshme dhe efektive.

Përveç smoothie-ve, ofroj programe ushqimore të personalizuara, me fokus në humbjen e peshës në mënyrë të shëndetshme dhe të qëndrueshme. Dietat e mia janë të balancuara dhe të përshtatura sipas stilit të jetesës dhe nevojave të çdo individi, pa sakrifica ekstreme, pa formula magjike, vetëm me ushqim të vërtetë dhe një plan që funksionon në jetën reale.

Nëse dëshiron të transformosh marrëdhënien tënde me ushqimin, të ndihesh më mirë me trupin tënd dhe të mësosh si ta ushqesh veten me dashuri, je në vendin e duhur.